Неверојатен настан што се случил на Света Гора
Еден Грк што живее во Америка некаде околу 2008-2009 година ја посетил Света Гора (Атос). Неговата желба била да се искачи на самиот врв Атос, а кога се искачил таму видел една црквичка. Сакал да влезе внатре, но вратите биле цврсто затворени. Од внатре се слушало пеење, па си помислил дека во тек е служба, а пеењето било толку неверојатно и толку го опивало младиот Грк што го земал телефонот и почнал да снима.
Хорот пеел херувимска песна, и звучело како внатре да има стотина гласови. Го слушал занесно убавото пеење и стоел пред црквата, додека околу него на самиот врв започнал да дува силен ветер. Кога пеењето завршило, Гркот повторно се обидел да влезе, но вратата повторно биле затворени, а тогаш од непознат правец до него стигнал еден монах и го прашал што прави. Момчето му одговорило дека внатре е служба и дека слушнало преубаво хорско пеење но дека не можел да влезе. Тогаш старецот со чудење го погледнал и му кажал дека внатре не се служи служба освен кога е слава на таа црквичка и дека никогаш не е заклучена. Тој ја турнал вратата и таа се отворила, а внатре немало никој.
Младиот Грк гледал запрепастено во црквата, а потоа на старецот му ја пуштил снимката од хорот што добирал од внатрешноста на црквата.
Старецот се насмеал и му кажал дека со божја благослов успеал да го сними ангелскиот хор како пее и служи литургија во празна црква.
Слава му на Бога!
