Кога се мали, децата сонуваат за најразлични играчки, или во помодерно време, за посовремена технологија. За разлика од нив, возрасните имаат „малку повисоки стандарди“, па не се задоволуваат толку лесно.
Но, животот знае да биде суров кон некои деца, при што се оставени самите на себе. Некои од нив имаат среќа да го пронајдат својот дом, а некои за жал не. Но, приказната за ова девојче дефинитивно ќе ве разнежни. Имено, на денот на нејзиниот роденден таа добила кутија со изгужвано писмо внатре. Најпрво била многу возбудена, а кога погледнала поубаво видела дека на дното на кутијата има рамка во која пишувало: „Ќе бидаш посвоена”.
Кога го прочитала писмото, девојчето ја совладале емоции и плачела од среќа. Нејзината нова мајка била преполна со емоции, па изјавила дека девојчето ќе биде посвоено заедно со нејзините брат и сестра.
„Долго време се молеше да биде посвоена, а на нејзиниот роденден дознавме дека тоа ќе се случи“, напишала Пејџ, нејзината нова мајка.
Оваа случка е доволна за да ја сфатиме вредноста на животот. Да сфатиме дека најголемата среќа се состои во малите нешта и дека секогаш семејството е највредното нешто што можеме да го добиеме. Луксузните работи доаѓаат и си заминуваат, а притоа не носат големи задоволства и исполнувања. Најважно е да имаме некој кој ќе се грижи за нас и некој за кој ние ќе се грижиме.
Љубовта, разбирањето, трпението и емпатијата се одлики на секој добар човек. Ова девојче дефинитивно ни покажа дека треба да го цениме она што го имаме!
