Киа Коцкар присуствуваше на изборот за Мис на Србија. Уште пред самото заминување на ова случување, победничката на „Задруга“ привлече големо внимание на социјалните мрежи кога објави фотографија и снимка каде што покажува како се подготвува за таа гламурозна вечер.
Таа се одлучи за елегантен црн фустан со кој сјаеше на црвениот тепих. Освен длабокиот шлиц на фустанот, погледи мамеше и со провокативното деколте. Сето тоа го надополни со елегантно подигната коса, а целата вечер не ја тргнуваше насмевката од своето лице.
По победата во регионалното шоу, Киа започна со настапи во регионот, а доби огромни хонорари, па си дозволи одмор на Сејшели. Киа Коцкар заработката од победата во реалното шоу „Задруга“ ја вложи во автомобил и стан во Белград. По одморот, таа започна со уредување на нејзиниот стан, а на нејзиниот ѕид заврши фотографија која ја доби како подарок од Милица Павловиќ. Станува збор за популарната карта на светот, каде што одредена личност може да ги обележи местата што ги посетил или пак оние кои сака да ги посети.
Киа Коцкар со својата победа во „Задруга“ стана една од најпопуларните жени во Србија, па сите го следаат нејзиниот живот. Во „Задруга“, Коцкар освои 120 000 евра, а веднаш по реалното шоу таа настапуваше секоја втора вечер, при што за еден настап добива хонорар меѓу 3 000 и 5 000 евра.
Името на Киа Коцкар и раперот Вук Моб се повеќе се поврзува со наводна тајна врска меѓу нив двајцата, додека тие упорно негираат, истакнувајќи дека се само пријатели и дека имаат во план снимање на дует. По се’ што се случува, сите очекуваа реакција на Слоба Радановиќ на целата оваа, наводна љубовна приказна.
