Ед Ширан денес е најплатената музичка ѕвезда на светот, а само во минатата година заработи нето профит од 30.753.000 евра
Познатиот британски музичар Ед Ширан (27) е одличен пример за човек кој од дното може да се издигне до врвот и да стане милионер. Тој денес е најплатената музичка ѕвезда на светот, а само минатата година оствари профит од дури 30.753.000 и според некои пресметки заработува околу 85 илјади евра дневно, односно поточно 85.425.
Тој изминатиов викенд ги објави финансиските извештаи од кои се гледа дека неговиот годишен приход е преку 40 милиони евра па така во нето доаѓаме до гореспоменатите суми. Она што од извештајот може да се види е дека Ширан во Велика Британија платил порез од преку 6 милиони евра.
Инаку, Ед Ширан кој се прослави со хитовите „Shape Of You” и „Perfect” неодамна ја достигна својата сонародничка Адел и стана најплатената музичка ѕвезда на светот. Иако на познатиот музичар финансиски му оди фантастично во животот, во минатото неговата ситуација била потполно поинаква.
Имено, познато е дека тој пред да стане познат, спиел дури и пред Бакингемската палата, а две години живеел како бездомник.
Со музика почнал професионално да се занимава во 2005 година. Се преселил во Лондон и свирел по мали места. Потоа заминува за Лос Анџелес без да има претходно договорено ангажмани и свирел на помали места, а потоа го забележале луѓето од каналот „The Foxholle” како и актерот Џејми Фокс кој го препознал талентот во него.
Во 2011 почнува да ја гради светската слава.
Издава независен ЕП, но истата година на Твитер го објавува и статусот кој денес привлече големо внимание и кој делува како Ширан наводно да имал проблеми и дека му била потребна помош.
„Дали некој е близу ’Луда ласица’ во Престон да ми даде шолја чај и да се истуширам кај него во замена за музичка мелодија“, прашуваше Ширан на социјалните мрежи пред шест години.
И самит Џејми Фокс неодамна изјави дека му помогнал на Ширан и дека му дозволил да спие на неговиот кревет шест недели. Холивудскиот актер во емисијата „The Graham Norton Show” нагласи дека Ширан ги импресионирал луѓето во еден клуб и дека останатото е историја.
Ед Ширан стекна светска слава и освои бројни награди, а неговите песни се мошне слушани. Покрај музиката, тој се занимава и со хуманитарни дејности. И секако неговата животна приказна е голема инспирација за многу луѓе ширум светот. Преслушајте го неговите хитови „Shape Of You” и „Perfect”.
