Амир Алијагиќ произведува ПВЦ столарија и своите производи ги извезува во соседните земји.
Најголемиот проблем на овој бизнисмен од Конавли му е работната сила која тешко се наоѓа иако нуди одлични услови. Просечната плата е околу 8 до 9 илјади куни, што е отприлика околу 1200 евра.
„Работниците имаат сместување и храна. Сега имам 10 работници, а ми требаат уште, но работници е тешко да се најдат“ – изјави Амир за хрватската Нова ТВ.
Тој работна сила побарал и во соседните земји. Хрватска веќе долго време се бори со недостиг на работна сила, а оваа година особено имаше побарувачка на сезонски работници.
„Дојдовме до дното, патиме од хроничен недостаток на работна сила. Можеби во Загреб не се гледа тој недостаток, но нашите членки од другите делови на хрватска постојано не предупредуваат и апелираат. Работа има како никогаш досега, но нема кој да ја работи. Базенот е празен“ вели Гордана Дерение, претседателката на Хрватското здружение на работодавачи на неодамнешната конференција за медиуми во Хрватска.
Инаку, во Хрватска во моментот има недостаток и од собарки, туристички водичи, готвачи и пица мајстори, дадилки, келнери и сите други работни позиции во угостителската и туристичките дејности.
Најголема е платата за готвачите и пица мајсторите (1.400 евра), па потоа следат келнерите (1.000 евра), собарките (700 евра), туристичките водичи и продавачите на сладолед (600 евра) и дадилките (500 евра).
Хрватска за разлика од Црна Гора на пример, каде платите се нешто помали, работодавачите не обезбедуваат сместување и храна.
