Еден Сириец преку Твитер и другите социјални мрежи ги моли луѓето да му помогнат да ја пронајде својата ќерка.
Неговата ќерка Алиса има само 5 години, а ја изгуби бидејќи од неа го одвоиле хрватските полицајци на граница и го вратиле во Босна и Херцеговина.
Несреќниот Сириец раскажува како неодамна со една група успеал преку Босна да стигне во Хрватска и по два дена одење пешки да стигне до селото Смољанац кое се наоѓа недалеку од Плитвичките езера.
A single father from Syria looking for help finding his five-year-old daughter! pic.twitter.com/5C3Vby8BWZ
— adrie (@adrie_v1) September 22, 2018
Но бидејќи немале храна застанал во локалната продавница да купи намирници, храна и вода. Тука го фатила хрватската полиција, го ставила во автомобил и го вратила во Босна и Херцеговина. Им кажал дека тука му е ќерката, ги молел да не ги раздвојуваат. „Но тие не ми веруваа“ раскажува Сириецот во потресното видео што го објави на Твитер.
Тој вели дека не знае каде му е детето и ги моли сите што нешто знаат да се јават во полиција во Велика Кладуша или во најблиската полициска станица. Ја објави и мапата каде последен пат бил со неговата ќерка.
